Allaffik inniminniinerlu

Ikummatissamik inniminniineq:

Ikummatissamik inniminniineq pisarpoq sianerluni ornigulluniluunniit. Aatassamik pisinermi minnerpaamik 200 liter pisiarineqartarpoq. Inniminniinermi isumaqatigiissutingineqartarpoq aqaguani aanneqassasoq. Periarfissaavorli ullormi tassani aatassamik pisinissaq, kisiannili akitsuuserneqartarpoq, aqqut ingerlaarfissaq pilersaarusiorneqareertarami.

  

Ammasarfiit:

Ulluinnarni nal. 8.00-15.00  

Inniminniineq pisarpoq nal.14.00 tungaanut.

Ikummatissamik inniminniineq pisarpoq Aasiaat Oliep allaffiani ulluinnarni siumut inniminniinikkut.

  

Aalajangersimasumik pajutsittarneq:

Aalajangersimasumik pajutsittarneq isumaqatigiissutingineqarsinnaavoq, allannguisoqanngippallu isumaqatigiissutaasimasoq ingerlaannassooq.

Orsueruttoorneq atuisup akisussaaffingaa, isumaqatigiissut malillugu ullut isumaqatigiissutaasut malinneqartarmata.

Sapaatini isumaqatigiittoqarsimatinnangu aatsineq pisarpoq ulluinnarni.

 

  

Orsueruttoorneq allaffiup ammasarfiata avataatigut:

Saniatigut akiliinermi pajutsinneq pisinnaavoq. Periarfissaavorli ulloq unnuarlu Aasiaat Olie Butik-mi Butik no 3-milu ikummatissamik pisiniarsinnaaneq. Pisiniarfiup matoqaanerani automati atorlugu pisinermi akiliut atorneqarsinnaanngilaq.

  

Sillimaniarneq pingaartillugu illoqarfiup iluani angalaaqattaarneq pinaveersaartittarparput, usigut, biilillu angissusaat aqqusernnillu peqqutaallutik.

​

Pisisartutsinnut/sullitatsinnut

 

 AASIAAT OLIE ApS-miit matumuuna ilanngunneqarput paasissutissat - pisisartuulluni suut periarfissaanersut, - tunisinermi aatsinermilu piumasaqaatit, - olietank qanoq ittoq atorneqarnersoq, - ingerlatsineq (aattuineq - assartuineq) allallu taaneqarsinnaasut. Paasissutissiinermut peqqutaavoq illit pisisartutut Aasiaat Olie ApS-miit ajunnginnerpaamik sunik periarfissaqarnersutit ilisimatitsissutigerusukkatsigu:

Siullermilli ilisimassavat, tikilluaqqusaasuaannarputit pisisartutut sunik periarfissaqarnerlutit il.il. paasiniaanissarnut.

 

Aasiaat Olie biilit oliemik assartuutit atorlugit Aasianni illunut oliefyr-ilinnut ikummatissamik assartuussisarpoq, illoqarfimmi aqqusernit aqqusineeqqallu ingerlavigalugit ilaatigullu slangi oliemut atortoq meetererpassuit uniarlugu tank-it immeriartortarlugu. Taamaattumillu assigiinngitsunik piumasaqaateqarpugut:

 

     Tunisinermi- assartuinermilu piumasaqaatit:

 

Ikummatissamik pisiniaruit periarfissat assigiinngitsut:

 

1. Siumut akileereerluni inniminniineq, najukkami olitank-imut immiineq ulloq aalajangersimasoq isumaqatigiissuteqarnikkut.

2. Oqarasuaat 891138-mut innimminniineq, tulliukkuit pajunneqassaatit, imaannerusarporli ullup tulliani pajunneqartutit, tassa ullaakkut aatsinissamut piareersaatit pilersaarusiorneqartarmata.

3. Aalajangersimasumik inniminniineq, qaammammut ulloq aalajangersimasoq, solar liiteri qassi oliemik pajutsittarnissaq.

4. Interval-imik pajutsittarneq, tassani Aasiaat Olie-p pisisartullu  akunnerminni isumaqatigiissutigiissutigissavaat qaqugukkut qanorlu atsigisumik pitsaanerpaanersoq olimik pajutsittarnissaq.

 

Ikummatissamik inniminniisoqartillugu, ikummatissamik assartuisup periarfissaqaleruni pajussavaatit, imaluunniit tulliukkuit pajussallutit, taamaattoqartillugu immikkut aningaasartuutit ilanngunneqarneq ajorput, taamaallaalli ikummatissaq, assartuineq aammalu sullissinermi aningaasartutit akiligassaassallutik.

Illuatungaatigulli ulloq taanna inniminniiffigisarni pajutsinnissat kissaatigigukku, ikummatissamik assartuisorput eqqorneqassaaq, soorlu eqqaaneqareersutut ullakkut siumut ikummatissamik assartuinissaq pilersaarusiorneqareertarmat taamaalillunilu assartuisoq qaangiuttoortariaqassalluni, taamaattumillu ingerlaannaq pajutsinnissamik piumasaqarnikkut akit saniatigut immikkut akiligassiisoqartariaqarluni, soorlu unnukkut sapaatini- sapaassuarni/ulluni sulinngiffiusuni immikkut akiligassat saniatigut akiligassiisarneq atorneqartarluni, tassani tassanngaannartumik suliartoqqusaanermut, sulisup akissarsiassaanut allanullu aningaasartuutinut matussutissanut akiligassiisoqartarluni.

 

Olietank-i parnaarsimappat - olietank-ip tungaanut aputaajaasoqarsimanngippat imaluunniit allamik

peqquteqarluni ikummatissaq apuunneqarsinnaanngippat, Aasiaat Olie ikummatissamik aatsigaluarsimanermi immikkut akiligassiinissamut piginnaatitaaffeqarpoq.

 

Pisisumut assartuineq pisisup akisussaaffigaa qanorlu pisoqariataarsinnaanera akisussaaffigalugu. Aasiaat Olie piginnaatitaavoq, ikummatissamik assartuinerup tungaatigut ajornartorsiuteqartoqarpat, imalt. akiliiniarnerup tungaatigut allatigulluunniit ajornartorsiuteqartoqarpat

inniminniineq assartuussinerluunniit unitsissinnaallugit. Tassa Aasiaat Oliep akisussaaffiginngilaa 

oliefyr-it orsuerussimalluni imaluunniit tassunga tunngatillugu aningaasartuutit.

 

Ikummatissamik assartuinissamik Aasiaat Olie pisisartullu isumaqatigiissuteqarfigisimasaatigut qaqugukkut qanorlu annertutigisumik ikummatissamik pajutsittarnissamut immikkut sullissinermut akiliuteqartoqarneq ajorpoq, taamaallaallu ikummatissaq aatsinerlu akiligassiissutaassallutik. Taamatut aaqqiineq (interval) illoqarfimmi aqqutit aalajangersimasut aqqusaartornerini qaammatip qanoq ilinerani isumaqatiissuteqarsimanermi naleqqussarneqartarpoq. Aasiaat Olie-p akisussaaffiginngilaa ikummatissaarunnerit aammalu ikummatissaarunnerup kingorna qamittoornermi kingunerisinnaasai, Aasiaat Olie ilisimatinneqarsimanngippat atuinerup allisimaneranik akulikinnerusunillu pajutsittarnissamik kissaateqartoqarsimanngippat.

Pisisartutut illit akisussaaffigivat kissaatigigukku piffissaq aalajangersimasoq atorlugu ikummatissamik pajutsittarnerpit isumaqatigiissutaasimanerata unitsinneqarnissaa, taamaattumillu pajutsittarneq aalajangersimasoq atorlugu akiligassinneqassaatit, tamannalu atorneqanngippat

pajutsinnermi akiligassamik akiliinissat akisussaaffigissallugu.

 

Akiliinissamut piumasaqaatit

 

Aasiaat Olie-p Polar Oil-imiit akit pisortatigoortumik saqqummiunneqarsimasut atortuaannarpai. Inniminniineq qanoq ittoq atorneqarnersoq apeqqutaatillugu assigiinngitsunik saniatgut akiligassiineq pisarpoq, soorlu assartuinermi akiliutip saniatigut akeq, pajutsikkasuarnermi akeq, suliffiup avataatigut aggersarneqarnermi akeq imaluunniit allaffissornermi akeq.

 

2015-miit atuutsinneqalerpoq pisisartut “nutaat” siumut akiliisinneqartalernerat, qanoq atsigisumik ikummatissamik atuinerata qanoq annertutiginerata naatsorsorneqarsinnaalernissaata tungaanut, taamaalilluni ikummatissamik inniminniinissamut isumaqatigiissusiornissamut, isumaqatigiissusiornermi periuseq sorleq atussanerlugu tulluunnerunersoq takuneqarsinnaalissammat.

 

Aasiaat Olie-p akiliinissamut piffissarititaa ullut 8 qaangiutsinnagit akileereersimanissat, tamannali aaqqissuussineq atorunnaariartorneqarpoq.

 

Periarfissaqarputit “kiassarnermut konto”-mik pilersitsinissarnut, taannalu imatut aaqqissuussaavoq qaammatit tamaasa ukiumut ikummatissamik atuinerpit 1/12-a akilertarlugu - imaappoq qaammatit tamaasa akiliut aalajangersimasoq akilertarlugu, taamaalillutit akiligassanut aalajangersimasunut malinnaanissarnut periarfissinneqarlutit.

 

Aasiaat Olie-p akiliinissamut piumasaqaatai malinneqanngippata, Aasiaat Olie piginnaatitaavoq akiliinissamut tuavisaarummik nassiussisinnaalluni saniatigullu ernialiisinnaalluni, assigisaanillu saniatigut akiligassiisinnaalluni.

 

Ikummatissamik pajuttuineq atuisumut/pisisartumut ulloq taanna pajutsinnermi akiligassaq suliarineqartarpoq, (akiligassap allagartaa piumassagaanni, naammattarpoq pajutsinnermi qanoq atsigisumik pajunneqarsimanermi takussutissaq). Ajoraluartumik akiligassat kingusissukkut atuisunut/pisisartunut apuuttarput, tamannalu Aasiaat Olie-p akisussaaffiisa avataaniippoq, Allakkeriviulli tamanna akisussaaffigaa.

 

Ajoraluartumik arlalissuit piffissaq eqqorlugu akiliineq ajorput, ilaqarlutillu akiliineq ajortunik. Taamatut pisoqartillugu tuavisaarummik nassiussisarpugut, tamannalu naammanngippat suliaq Eqqartuussivimmut ingerlateqqinneqartarluni, tassani aalajangerneqartarluni piffissaq aalajangersimasoq akiligassaq akilerneqareersimassasoq. Taamatut pisoqartarnera avaanngunartorujussuuvoq aammalu saniatigut akiligassat annertusinerannik kinguneqartarluni pisisartumut Aasiaat Olie-mullu.

 

Pisisartup Aasiaat Olie-llu akunnerminni isumaqatigiissutaat malinneqanngippat, amerlanertigut taamaallat siumut akileereernikkut ikummatissamik pajutsittoqarsinnaavoq.

 

Olietank paarilluaruk

 

Ullut tamaasa olietank-i nakkutigineqarneq ajorpoq, taamaattumillu ilaatigut tank-i pillugu ajornartorsiutit takkussinnaasarlutik. Tank-i ikummatissamut immerfeqassaaq, tank-ip qanoq imaqartigineranut nalunaarsuissuteqassaaq (oliemåler) aammalu silaannaarnissaanut atortoqassalluni, tassanilu ulikkaarneranut nalunaarsuuteqassallu (siggartaat).

Taassuma siggartaatip siggartarnermigut pajuttuisorput paasitissavaa tank-ip ulikkaarneranik.

Siggartaat ajortissimappat annerusumik minnerusumilluunniit olie-koortoqarsinnaavoq, tassa pajuttuisup tank-ip ulikkaarnera aatsaat paasisinnaassammagu tank-i oliemik utsersulerpat.

Olie toqunartortaqarpoq pinngortitamut inunnullu, taamaattumillu olie-mik utsersortoornissaq pinngitsoortittariaqarpoq, tamannalu pinngitsoortinniarlugu pajuttuisorput isumasiorsinnaavat qanoq tamanna pinngitsoortinneqarsinnaanersoq, imaluunniit ruujorilerisunut tank-ip ulikkaarneranut nalunaarsuut misissortissinnaavat.

 

Aasiaat Olie tank-imut “ulikkaarsimasumut” ikummatissamik immiisinnaanngilaq, tank-ip ulikkaarneranut nalunaarsuut aserorsimappat, imaluunniit arlaatigut ajoquteqarpat, taamaattoqarneratigut ikummatissamik mingutsitisoqarsinnaammat.

 

Saniatigut eqqaamajuk tank-i parnaarsaasersimagukku (uummataasalerlugu), taanna peerneqarsimassammat ikummatissamik pajutsinnginnermi, aammalu Aasiaat Olie tank-imut matuersaammik tunniussisimassagavit, aalajangersimasumik qaammammut pajutsittarnissamik isumaqatigiissuteqarsimaguit. Tank-i parnaarsaasersimagukku (uummataasalersimagukku) illit nammineq tamanna isumagisassarivat akisussaaffigalugulu. Aasiaat Olie-p akisussaaffiginngilaa parnaarsaatit matuersaatilluunniit tassungalu tunngatillugu ajornartorsiuteqartoqarpat aningaasartuutaasinnaasut suulluunniit eqqarsaatigalugit.

 

Tank-imik piginnittutut illit nammineq tank-i akisussaaffigaat, soorlu olie-mik mingutsitisoqarsimappat illit nammineq aningaasartuutit tassunga tunngasut akisussaaffigaatit.

Ukiuni kingullerni Aasiaat Olie-p malugisimavaa, immaqa silap kissakkiartornerata kingunerisaanik silaannaallu isugutannerulersimanerata kingunerisaanik, olie-tank-i imertaqalersinnaasarluni. - tank-inut kiassarnermut atortunut (oliefyr) aammalu assersuutigalugu umiatsianut tank-it imermik akoqalertarnerannut inuit ilaat ajoralurtumik isumaqartarput tank-itik Aasiaat Olie-p imaluunniit inuit allat imermik akusaraat. Soorunami taamaatooqarneq ajorpoq, Polar Oil-miit ikummatissat pisartakkagut misissorluarneqareersimasarput arlaannik akoqannginnissaat, aammalu imermik akoqannginnerat qulakkeerneqarsimasarluni.

Tank-it imermik akoqalertarnerat pisarpoq, tank-it silamiittut tamarmik silap kiassusaata allanngorarneratigut ingasammillu upernassakkut ukialerneratigullu. Tank-it imermik akoqalertarnerat ajornartorsiuterujussuanngorsinnaasarpoq. Kissarsuutit (oliefyr-it) ima atsigisumik imermik akoqalersinnaasarput allaat kissarsuut (oliefyr) qamissinnaalluni ruujorilerisunillu salinneqartariaqalerluni, tassa tank-ivit naqqani imeq qerrussimasinnaammat.

Ajornerusarpoq umiatsinut motor-it nutaaliaasut, ikummatissaq imermik akoqalaarpat malussajasorujussuummata, ajornerpaamillu motor-i aserorsinnaasarlugu.

Taamaattumik  eqqumaffigilluaruk tank-i kissarsuummut (oliefyr)/umiatsiap motorianulluunnit taamaattunut atorsinnaasunik filter-eqartinnissaa.

 

Tank-ip imermik akoqalernissaa pinaveersaartinneqarsinnaavoq tank-i ulikkaarlugu ilaannikkut immerneratigut aammalu imaqartilluartarneratigut imaarutsinnagu.

 

Tank-ip imermik akoqalersimanera ruujorilerisumut salitsinneratigut pinaveersaartinneqarsinnavoq Aasiaat Olie-miillu innersuussutigivarput tamanna pisassasoq assersuutigalugu ukiut pingasukkaarlugit.

 

Maannakkut eqqartukkat oliemik immiisarfinnut silamiittunut atuutsinneqanngillat imaluunnit allatut isumaqatigiissusiortoqarsimatillugu.

 

Inussiarnersumik inuulluaqqusilluta

 

Aasiaat Olie ApS